Ushbu o'quv qo'llanma avval nashr etilgan o'quv qo'llanmaning yangi o'quv dasturga mos qayta ishlangan va boyitilgan uchinchi nashri bo'lib, unda o'quv dasturidagi mavzular mazmunlari bo'yicha boblarga ajratilgan holda yozilgan. Bundan maqsad mavzularni statistika nazariyasi va amaliyotida qo'llaniladigan tushunchalarga moslashtirish va mavzularning uzviyligini ta'minlashdan iborat. O'quv qo'llanma statistika nazariyasi va iqtisodiy statistika misol va masalalarini yechish, ularni tahlil qilishga mo‗ljallangan bo'lib, unda misol va masalallarni yechish uchun uslubiy ko'rsatmalar, namunaviy misollar yechimi hamda barcha mavzular bo'yicha mustaqil ishlash uchun masalalar keltirilgan. Bulardan tashqari, o'quv qo'llanma iqtisodiy jarayonlarning o'zaro bog'liqligini o'rganishda kompyuter dasturlaridan foydalanish usullari bilan boyitilgan. Mazkur praktikum statistik usullar yordamida hodisa va voqealarni o'rganuvchi barcha ixtisosliklar talabalari, magistrlar va ilmiy izlanuvchilar hamda mutaxassis amaliyotchilarga mo'ljallangan.