Mazkur qo'llanma o'zbek tilida "Garmoniya fanini amaliy o'rganishga qaratilgan o'quv adabiyotlarining juda ham kamligi sababli, S. Ye. Maksimovning "Упражнений по гармонии на фортепиано". B. Alekseyevning "Задачи по гармонии", I. Asseyevning "Сборник задач по гармонии" va I. I. Dubovskiy (va boshqalar)ning "Garmoniya darsligi" kitoblari asosida tayyorlangan. Qo'llanma fanning qism mavzulari va ularning eng asosiy qoidalarini amaliy tarzda o'rganishga qaratilgan. Unga akkordlar tuzish va ularni bir-biriga bog'lash mashqlari, fortepiyanoda kadensiyalar va sekvensiyalar chalish, garmonik tizimlar va badiiy asar namunalarini tahlil qilish vazifalari kiritilgan.
Shuningdek, kursning har bir mavzusi bo'yicha bajariladigan masalalar, ularning yechilishiga doir amaliy ko'rsatmalar va akkordlarning garmonik izchilliklarini fortepiyanoda chalish mashqlari ham qo'llanmadan o'rin olgan.
Ushbu qo'llanma asosan Oliy o'quv yurtlarining 5141000-Musiqa ta'lim yo'nalishi talabalari uchun mo'ljallangan bo'lib, undan musiqa yo'nalishidagi o'rta maxsus o'quv yurtlarining o'quvchilari ham foydalanishlari mumkin.
